Drie verdagtes vlug na plaasaanval

Posted in News by Anchen Coetzee on 8 February, 2018 at 5:04 p.m.

LIMPOPO - ‘n Plaasbestuurder van Melkrivier, Berdus Henrico (39), en sy verloofde Estelle Nieuwenhuys (40), het die dood naelskraap vrygespring nadat hulle Dinsdag, 6 Februarie, die slagoffers geword het van ‘n plaasaanval.

Volgens Barend Pienaar van Oor Grense Media, het drie mans omstreeks 20:15 die paartjie se huis betree. “’n Struweling het gevolg tussen Henrico en twee van die aanvallers. Tydens die geveg is Nieuwenhuys se arm gebreek. Die derde verdagte het die huis binnegekom en drie skote geskiet – twee het Henrico in sy skouer getref en een in sy nek,” het Pienaar aan Africa InTouch News gesê.

Een van die booswigte het ‘n .243 jaggeweer teen Henrico se kop gedruk, maar kon nie daarin slaag om dit af te vuur nie. Pienaar vertel dat die verdagtes daarna koue voete gekry en op die vlug geslaan het met die .243 jaggeweer, twee windbukse, ‘n haelgeweer en ‘n skootrekenaar. Woensdag was ‘n soekgeselskap steeds besig om die omgewing te fynkam.

Medici van APA Ambulansdienste het die slagoffers op die toneel gestabiliseer voor hulle na FH Odendaal Hospitaal in Modimolle vervoer is. Nieuwenhuys is reeds ontslaan. Henrico is oorgeplaas na Saint Vincent’s Hospitaal in Bela-Bela. Volgens inligting sou die koeëls Donderdag tydens 'n operasie verwyder word.

Niemand is nog in verband met die voorval in hegtenis geneem nie.

Stemboodskap & Foto's: Barend Pienaar  Video:  Africa InTouch News

 


 

Municipal public office bearer to appear on allegations of corruption

Police are urging people, who might have information, to come forward.
Admin

Suspects apprehended in murder, kidnapping and other crime case

The duo will appear on charges of theft, murder and kidnapping.
Admin

Deputy Minister address abused women and children in Parys

One hopes that the activism we have seen has made men in particular understand that patriarchy bestows unto them unjust privilege.
Admin

Suspect in court on a charge of perjury

The man alleged that he was accosted by three assailants who fled the scene with his firearms.
Admin