Photo: Bill Oxford@bill_oxford

EPPF moet dringend stappe teen Molefe doen, versoek Solidariteit

Posted in News by Admin on 31 January, 2020 at 1:36 p.m.

Solidariteit maan die Eskom Pension and Provident Fund (EPPF) om so spoedig moontlik al die nodige stappe te doen om te verseker dat die voormalige Eskom-bestuurshoof, Brian Molefe, gehoor gee aan die Noord-Gautengse Hooggeregshof se bevel.

Dit volg op die EPPF se aansoek by die hooggeregshof vir ’n bevel wat Molefe sal dwing om die beweerde R7,769 miljoen wat onregmatig aan hom betaal is, terug te betaal. Die hooggeregshof het in 2019 bevind dat Molefe persoonlik betrokke was by die onwettige toekenning van pensioengeld ter waarde van R30 miljoen. R10 miljoen daarvan is aan hom persoonlik uitbetaal.

"Dit is vir ons duidelik dat die EPPF eienaarskap en verantwoordelikheid neem vir hul wangedrag en onwettige aksies toe hulle aan mnr. Molefe sekere pensioengeld betaal het, maar dit is belangrik dat daar nou resultate sal wees,” sê Anton van der Bijl, Hoof van Arbeidsregsdienste by die vakbond Solidariteit, wat oorspronklik die saak teen Molefe aangevoer het.

Van der Bijl is bekommerd omdat Solidariteit nie by die laaste hofaansoek ingesluit is nie, aangesien die vakbond die dryfkrag agter die oorspronklike saak teen Molefe was, en nie die EPPF wat aanvanklik geweier het om Molefe te vervolg nie.

“Dit is maar net nog ʼn voorbeeld van die onnodige gesloer en vertragings wat reusewantroue in die EPPF by ons lede en ander Eskom-werkers tot gevolg het. Ons hoop regtig dat hierdie hoofstuk nou tot ’n einde kan kom, nie net ter wille van huidige Eskom-werknemers nie, maar ook ter wille van die Eskom-pensioenfonds se begunstigdes wat wag dat hierdie saak gefinaliseer moet word. Dit is verregaande dat so ʼn groot oorwinning teen korrupsie nie afgehandel word nie, bloot omdat die EPPF weier om die nodige stappe te doen om ʼn hofbevel af te dwing,” sluit Van der Bijl af.
 
Redakteur: Anchen Coetzee / Africa InTouch News
Ingedien deur: Solidariteit Media

Government press release regarding national lockdown

Issued by the Department of Government Communication and Information System.
Admin

ANC wys ware kleure, skryf Solidariteit

Die regering sien "dit maar net as ʼn gulde geleentheid om sy aanstootlike rasse-ideologie af te dwing."
Admin

Die Solidariteit Beweging kondig planne aan om Covid-19 te bestry

ʼn Krisiskomitee sal op ʼn daaglikse basis vergader om aksieplanne te implementeer.
Admin

Murder of decorated police officer a heavy loss to war against rhino poaching

Colonel Bruwer had a stellar reputation for cracking complex cases.
Admin