Videomateriaal: Thys Venter.

Na twee jaar van versengende droogte, waarin die vlak van die Lomati Dam onder 0% gaan draai het, het Barbertonners nou rede om breed te glimlag. Na die goeie reën wat vanaf Desember geval het, die reën van die onlangse Dineo-sikloon inkluis, het die vlak van die Lomati Dam op Maandag, 6 Maart, op 42.2 persent gestaan.

Volgens die ouer garde van die gemeenskap was dit die ergste droogte wat die streek nog ondervind het vanaf 1991. Daar word vertel dat dit toe baie erger was as nou, maar dat dit slegs ‘n jaar en ‘n half geduur het en nie soos die huidige droogte wat al digby twee jaar aanhou nie.

‘n Munisipale werknemer, wat annoniem wil bly, het Maandag gesê: “Ek skat indien ons aanhoudende goeie reën ontvang, die kans groot is dat die dam teen die einde van April op 100 persent kan staan,”

Volgens Thys Venter, Superintendent van Water en Riool in Umjindi, is die inloop nog sterk en behoort die damvlak Vrydag op tussen 43 – 45 persent te staan.

Geskryf deur: Anchen Coetzee / Ama'Zone Media Solutions h/a Africa InTouch